အိုင်းဒီး (သို့) ကျွန်မဟာ ကဗျာပဲ မငိုပါနဲ့

ဇွန်လရဲ့ Contemporary Art (ခေတ်ပြိုင်အနုပညာ)ကဏ္ဍအတွက် ဖော်ပြပေးမယ့်သူကတော့ အိုင်းဒီးပဲ ဖြစ်ပါတယ် ။
…………………………………………………..

အိုင်းဒီးရဲ့ နာမည်ရင်းကတော့ အန်နာဗျက်(ခ်)ထမွေးပါ။ အိုင်းဒီးနာမည်နဲ့ စာတွေရေးပြီး အလုပ်တွေလုပ်တယ်။ အိုင်းဒီးကို ၁၉၉၀ ခုနှစ်တွင် ချင်းပြည်နယ် ဟားခါးမြို့တွင်မွေးဖွားခဲ့ပြီး မူလတန်းတွင် ရန်ကုန်သို့ပြောင်းရွေ့လာခဲ့ပြီး ရန်ကုန်တွင် ကြီးပြင်းခဲ့သူဖြစ်တယ်။ လက်ရှိမှာတော့ အိုင်းဒီးရက်ကန်းအိမ် လူမှုအကျိုးပြု စီးပွားရေးလုပ်ငန်း “ Aidii weaving house” ကို ၂၀၁၄ ခုနှစ်က စတင်ထူထောင်ကာ ရက်ကန်းလုပ်ငန်းဖြစ်တဲ့ ဂျက်ခုတ်ဖြင့် ချင်းရိုးရာအထည်များကို ထုတ်လုပ်ခြင်းလုပ်ငန်းတွေကို ဟားခါးမြို့မှာ လုပ်ကိုင်နေတယ်လို့လည်း သိရပါတယ်။

ငယ်စဉ်ကထဲက စာဖတ်ခြင်းကို ဝါသနာပါပြီး ဝတ္ထုတို၊ ရသစာပေများကို အဖတ်များပြီး ပထမနှစ်ကျောင်းစတက်ချိန်တွင် ဘုရားကျောင်းက ကဗျာဆရာမိတ်ဆွေတချို့နှင့်စတင်သိကျွမ်းခဲ့ရာမှ ကဗျာများနှင့်ရင်းနှီးလာခဲ့တယ်လို့ သူမရဲ့အပြောအရ သိရပါတယ်။ ထို့နောက် BARS ပထမနှစ်တက်သည့် အချိန်တွင် ကဗျာရေးတဲ့သူငယ်ချင်းများနှင့် စုစည်းမိရာမှ ကဗျာစာအုပ်ထုတ်ရန် စီစဉ်ဖြစ်ရာမှ ကဗျာကိုစတင်ရေးသားဖြစ်ခဲ့တယ်လို့ ဆိုပါတယ်။ အိုင်းဒီက Myanmar Institute of Theology ရဲ့ Bachelors of Arts and Religious Studies မှာ အင်္ဂလိပ်စာမေဂျာနဲ့ ဘွဲ့ရရှိခဲ့ပါတယ်။

တက္ကသိုလ်တက်စဉ်က (Literature)စာပေနှင့်ပတ်သတ်သည့်အကြောင်းအရာများ လေ့လာသင်ယူရချိန်တွင် ကဗျာနှင့်ပတ်သတ်ပြီး လေ့လာသင်ယူရခဲ့ရပြီး ကိုယ်တိုင်ကဗျာများရေးသားရသည့်အပြင် သူများရေးသားထားသောကဗျာများကိုလည်း ဝေဖန်ပိုင်းခြားမှုများပြုလုပ်ခဲ့ရပြီး ထိုအချိန်မှစပြီး ကဗျာနှင့်ပတ်သတ်သည့် ခံစားမှုပိုမိုရင့်သန်လာခဲ့တယ်လို့သူမက ဆိုပါတယ်။

“ ကဗျာကတော့ အမျိုးအစားအများကြီးပဲ ။ အမအနေနဲ့ကတော့ ပညာရှင်ရှုထောင့်ကနေမပြောတတ်ဘူး။ ဒါပေမယ့် စိတ်ထဲမှာ တစ်ခုခုလေးရလိုက်တယ်။ ဓာတ်လေးတစ်ခုပါနေတာ ကိုယ်ခံစားလိုက်ရတာမျိုး ဆိုရင်တော့ မှတ်မှတ်ရရဖြစ်တယ်။ အကြောင်းအရာနဲ့ ဖြစ်ချင်ဖြစ်မယ်။ စကားလုံးနဲ့ဖြစ်ရင်ဖြစ်မယ်။ အဓိက ကဗျာဆရာနဲ့ သူ့ရဲ့ကဗျာနဲ့ ကိုယ့်ရဲ့စိတ်ထိတွေ့သွားတဲ့ဟာမျိုးတွေကတော့ စိတ်ထဲမှာ ကျန်နေတယ် ” လို့ သူမက ပြောပြပါတယ်။

အိုင်းဒီးအနေနဲ့ကတော့ ကဗျာရေးသားရာတွင် ဖွဲ့နွဲ့ရေးသားခြင်းထက် စိတ်ထဲတွင်ပေါ်လာသောခံစားချက်များ ကို ရေးသားခြင်းကို ပိုမိုအားသန်လေ့ရှိတယ်လို့ဆိုပါတယ်။ တဖက်တွင်လည်း အိုင်းဒီးသည် ကဗျာများကို စရေးရာတွင် ချင်းဘာသာစကားနှင့်ရေးသားသော်လည်း ရန်ကုန်တွင်ကြီးပြင်းသည့် ချင်းတစ်ယောက်ဖြစ်သည့် အတွက် ချင်းဘာသာစကားကို ချင်းတောင်တွင်နေထိုင်သည့်ချင်းတစ်ယောက်ကဲ့သို့ ထဲထဲဝင်ဝင်ဖွဲ့နွဲ့၍ မပြောတတ်သဖြင့် သူမ၏ကဗျာရေးသားမှုများသည် စာစကားထက် တိုက်ရိုက်ပြောဆိုဟန် ရေးသားဟန်မျိုးဖြစ်ကြောင်း သူမက ဆိုပါတယ်။ ထွက်ရှိပြီးတဲ့ ကဗျာစာအုပ်သုံးအုပ်တွင်လည်း တစ်အုပ်လျှင် ပုံစံတစ်မျိုးစီဖြင့် ရေးသားထားတာကို သတိထားမိတယ်လို့လည်း သူမက ပြောပြပါတယ်။ ပထမစာအုပ်တွင် စိတ်ထဲမှာရှိတဲ့အတိုင်းပြောတဲ့ပုံစံမျိုးရေးသားထားပြီ ဒုတိယစာအုပ်တွင် ဖွဲ့နွဲ့ကွန့်ညွန့်မှုများပါဝင်ပြီး နောက်ဆုံးထွက်ရှိထားသည့် စာအုပ်တွင်မူ မိမိစိတ်ထဲတွင် ပြောပြချင်သောအကြောင်းအရာများကို စကားလုံးအနည်းဆုံးနှင့် အရိုးရှင်းဆုံး ရေးသားထားသည်ဟုလည်း ဆိုပြန်ပါသေးတယ်။

အိုင်းဒီးအနေဖြင့် လုံးချင်းကဗျာစာအုပ် သုံးအုပ်ကိုရေးသားထွက်ရှိခဲ့ပြီး ပထမဆုံးလုံးချင်းစာအုပ်အဖြစ် ၂၀၁၂ ခုနှစ်တွင် “ ဂီတာနှဲ့ကြယ်စင် ” အမည်ရ လုံးချင်းကဗျာစာအုပ်ကို ချင်းနှင့်မြန်မာ ဘာသာနှစ်မျိုးဖြင့်ထွက်ရှိခဲ့ပြီး ဒုတိယလုံးချင်းအနေနဲ့ “ နှမြောတသ ဗောင်ရောင်း ” အမည်ရစာအုပ်ကို ချင်းဘာသာဖြင့် ၂၀၁၄ ခုနှစ်တွင် စတင်ရေးသားဖြစ်ခဲ့ပြီး ထိုနောက် ချင်းဘာသာအပြင် မြန်မာဘာသာနှင့် အင်္ဂလိပ်ဘာသာတို့နဲ့လည်း ထုတ်ဝေခဲ့ပြီး နောက်ဆုံးစာအုပ်အဖြစ် “ ကျွန်မဟာ ကဗျာပဲ မငိုပါနဲ့ ” စာအုပ်ကို ချင်း၊မြန်မာ နှင့် အင်္ဂလိပ်ဘာသာ သုံးမျိုးနဲ့ ၂၀၁၇ ခုနှစ်မှာ ထုတ်ဝေခဲ့ပြီး နောက်ဆုံးစာအုပ်ကတော့ စာဖတ်သူတွေရဲ့ တုန့်ပြန်မှု ပိုသိရတာများတယ်လို့ သူမက ဆိုပါတယ်။ လုံးချင်းကဗျာအပြင် ချင်းမဂ္ဂဇင်းဖြစ်တဲ့ “ MuKo ” မဂ္ဂဇင်းမှာ ကဗျာတွေ ရေးသားနေတယ်လို့လည်း သိရပါတယ်။

အိုင်းဒီးအနေဖြင့် ကဗျာရေးသားရာတွင် များသောအားဖြင့် ချင်းဘာသာစကားနဲ့ စတင်ရေးသားသည်ကို သတိထားမိသဖြင့် မေးမြန်းဖြစ်ခဲ့ရာ “ ကဗျာရေးရင် ဒါကိုတော့ ချင်းလိုရေးမယ်။ ဒါကိုတော့ မြန်မာလိုရေးမယ်ဆိုပြီးတော့မစဉ်းစားဘူး။ ကဗျာတစ်ပုဒ်ရလာပြီဆိုရင် အတွေးကနေရတာရှိတယ်။ စကားလုံးကနေရတာရှိတယ်။ တချို့ကဗျာတွေက ဒီစကားလုံးလေးကိုကြိုက်လို့ ဒီစကားလုံးနဲ့လိုက်တဲ့ကဗျာဆိုပြီး ဖြစ်သွားတာရှိတယ်။ ချင်းထဲမှာဆိုလည်း အဲ့သလိုရေးဖြစ်တာများတယ်။ ” လို့ သူမက ရှင်းပြပါတယ်။ အလားတူ ကဗျာများရေးသားရာမှာ ချင်းဘာသာနှင့် စတင်ရေးဖြစ်ပြီး မြန်မာဘာသာသို့ ဘာသာပြန်ရေးသားရာတွင်လည်း တိုက်ရိုက်ဘာသာပြန်ခြင်းမျိုးမဟုတ်ပဲ မိမိဘာသာပြန်ရေးတဲ့ပုံစံမျိုးနဲ့ ရေးသားလေ့ရှိတဲ့အတွက် နှစ်မျိုးလုံးကို တစ်မျိုးစီ အားရကျေနပ်မှုရှိပြီး တစ်ဖက်တွင်လည်း ချင်းစာပေအတွက် တစ်ထောင့်တစ်နေရာက ပါဝင်ဆောင်ရွက်ခြင်းလည်း ဖြစ်တယ်လို့ အိုင်းဒီးက ဆိုပါတယ်။ ထို့ပြင် အိုင်းဒီးက ကဗျာရေးသားခြင်းအပြင် စကားပြေအက်ဆေးများကိုလည်း ရေးသားလေ့ရှိတယ်လို့ ဆိုပါတယ်။

ယခုနှစ်ပိုင်းတွင် အိုင်းဒီးအနေဖြင့် ကဗျာရေးသားရာမှာ ယခင်ကလောက် ကဗျာရေးသားသည့်ဘက်တွင် အချိန်မပေးနိုင်ပဲ တခြားဘက်တွေမှာအချိန်ပေးနေရတဲ့အတွက် ကဗျာရေးသားမှု အတော်ကျဲသွားတယ်လို့ သူမကဆိုပါတယ်။ “ မငိုပါနဲ့ နောက်ပိုင်းမှာ ရေးတော့ရေးဖြစ်ပေမယ့် ကိုယ်ဟာနဲ့ကိုယ် အချိန်ကိုလုံလုံလောက်လောက်ပေးတယ်လို့မခံစားရဘူး ကဗျာရေးဖို့ကို။ ဒါပေမယ့် ထွက်လာတဲ့အချိန်ကျရင်လည်း သူ့ဟာသူတော့ထွက်လာတာပဲ။ ဒါပေမယ့် တဖက်မှာလည်း အကြည်ဓာတ်က ထိန်းသိမ်းရတာအရမ်းခက်လာတယ်။ အနှောင့်အယှက်ဝင်ရတာက အရမ်းလွယ်တယ်။ ရေးချင်တယ်ဆိုပြီးဖြစ်လာတဲ့အခါမှာလည်း ပျက်စီးတာအရမ်းလွယ်တယ်။ ဒါကိုကျော်ဖြတ်ပြီးမရမက ရေးမယ်ဆိုရင် မရပြန်ဘူး။ ဒီနောက်ပိုင်းတော့ရေးတာကျဲတယ်။ စိတ်ထဲမှာတော့ အမြဲတမ်းရှိတယ်။ တနေ့နေ့ကျရင်တော့ သူတို့တွေ ထွက်လာကြမယ်လို့ထင်ပါတယ် ” ဟု သူမက ရယ်ရင်းနဲ့ ပြောပါတယ်။ အိုင်းဒီးအတွက် ကဗျာဆိုတာက အချိန်တိုင်းပဲ ပုံစံတမျိုးမျိုးနဲ့ အမြဲတမ်း ကိုယ်နဲ့အတူရှိနေတယ်လို့ သူမရဲ့ကဗျာအပေါ်ခံစားချက်များကို ပြောပြပါတယ်။

အိုင်းဒီးသည် ကဗျာရေးသားခြင်းအပြင် အသက်မွေးဝမ်းကြောင်းလုပ်ငန်းအဖြစ် ချင်းရိုးရာရက်ကန်းရက်ခြင်းလုပ်ငန်းကို လုပ်ကိုင်နေပြီး တစ်ဖက်တွင်လည်း ယင်းလုပ်ငန်းသည် ချင်းအမျိုးသမီးတွေအတွက် မိမိတို့ရဲ့ရိုးရာအမွေအနှစ်ကို မပျောက်ပျက်အောင် ကာကွယ်သည့်သဘောဖြင့် ရက်ကန်းလုပ်ငန်းကို ဆောင်ရွက်နေခြင်းဖြစ်ကြောင်း သူမက ရှင်းပြပါတယ်။ သူမ၏လတ်တလောအတွေးအနေနဲ့လည်း ရက်ကန်းလုပ်ငန်းကို ယခင်ခေတ်ဘိုးဘွားတွေလုပ်ခဲ့တဲ့အတိုင်း ဝါဂွမ်းကနေစစိုက်ပြီး ကိုယ်ကိုတိုင်အတွက် အဝတ်အစားကို ကိုယ်တိုင်ထုတ်လုပ်နိုင်တဲ့အခြေအနေတစ်ခုရောက်အောင် ကြိုးစားနေတယ်လို့ သူမက ဆိုပါတယ်။

စုလေးငုံ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s