မြန်မာ့လယ်ယာလုပ်ငန်းခွင်ထဲမှ ကျေးလက်အမျိုးသမီးခေါင်းဆောင်မှု

28577252_1616985568387265_8791642950758039552_o

ကျေးလက်အမျိုးသမီးတွေရဲ့အခန်းကဏ္ဍဟာ မိသားစုကနေရပ်ရွာအထိ အဓိကနေရာကနေပါဝင်နေပါတယ်။ မိသားစုထဲမှာ အဓိကစီမံခန့်ခွဲသူတွေအဖြစ်ရှိနေသလို စီးပွားရေးမှာလည်းလယ်ထဲ၊ ယာထဲဆင်းပြီးအလုပ်လုပ်နေတဲ့ လယ်ယာလုပ်သား၊ လယ်သူမတွေဖြစ်တဲ့အပြင် ရပ်ရေးရွာရေးမှာ တိုက်ရိုက်ပါဝင်နေတဲ့သူတွေလည်း ရှိကြပြီးလုပ်ဆောင်နေတဲ့ ခင်ပွန်းတွေ၊ ဖခင်တွေရဲ့နောက်မှာ အကြံဥာဏ်ပေးသူတွေအဖြစ်ရှိနေကြပါတယ်။ သို့ပေမဲ့လည်း သူတို့ရဲ့ခေါင်းဆောင်မှုကိုတော့ အသိအမှတ်ပြုခြင်းမခံရပါဘူး။ကျေးလက်ဒေသတွေမှာအမျိုးသမီးခေါင်းဆောင်တွေရှိကြပေမဲ့ လက်ချိုးရေတွက်လို့ရတဲ့ အနေအထားပါ။ အရည်အချင်းထက်မြက်တဲ့ ကျွန်မတို့ရဲ့ ကျေးလက်အမျိုးသမီးတွေဟာလူမှုရေး၊ ယဉ်ကျေးမှုကိုအခြေခံပြီးတည်ဆောက်ထားတဲ့ စနစ်တွေကသူတို့အတွက် အတားအဆီးတွေဖြစ်နေကာလူ့စွမ်းအားအရင်းအမြစ်အဖြစ် ရှုမြင်ခြင်းမခံရဘဲဘေးဖယ်ထုတ်ခံနေရသလုို
ဖြစ်နေပါတယ်။ အထွေထွေဗဟုသုတအပြင် ဘဏ်ချေးငွေနဲ့ မြေယာလုပ်ကိုင်ခွင့်၊ ဆက်ခံနိုင်ခွင့်တွေမှာလည်းဥပဒေဆိုင်ရာအခွင့်အလမ်း၊ အခွင့်အရေးတွေကိုသိရှိနားလည်နိုင်မယ့် အရင်းအမြစ်တွေမရှိသလောက်ပါဘဲ။ ကျေးလက်နေအမျိုးသမီးများဟာထွန်ယက် စိုက်ပျိုးခြင်းနဲ့ အဓိကဝင်ငွေရှာဖွေရလို့ မြေယာလုပ်ပိုင်ခွင့်၊ စိုက်ပျိုးရေးစရိတ်ချေးငွေရရှိမှုနဲ့ မြေယာနဲ့ပတ်သက် တဲ့ ဆုံးဖြတ်ချက်ချပိုင်ခွင့်တွေရရှိဖို့ အရေးကြီးပါတယ်။ မြေယာအငြင်းပွားမှုတွေအပြင် အစိုးရနဲ့ လက်နက်ကိုင် အဖွဲ့တွေရဲ့မြေသိမ်းမှုတွေ၊ ခရိုနီတွေနဲ့တရုတ်လုပ်ငန်းရှင်တွေနဲ့မြေယာအငှားကိစ္စတွေဟာ မြန်မာတနိုင်ငံလုံးမှာ ဖြစ်ပွားလျက်ရှိနေပါတယ်။ ကျေးလက်အမျိုးသမီးတွေအပေါ်မြေယာပဋိပက္ခတွေတင်မကရိုးရာဓလေ့ထုံးတမ်းဥပဒေတွေ မြေယာပိုင်ဆိုင်ခွင့်တွေပါ အကျိုးသက်ရောက်မှုတွေရှိနေပါတယ်။

ကျေးလက်မှာရှိတဲ့ လယ်ထဲ၊ ယာထဲကအမျိုးသမီးတွေကလယ်ကိစ္စ၊ယာကိစ္စတွေကိုစီမံခန့်ခွဲနေပေမဲ့ မှတ်ပုံတင်နဲ့ သန်းခေါင်စာရင်းတွေမှာမှီခိုလို့ပဲအမည်တပ်ခံရပါတယ်။ ဒါကြောင့် မြေယာပိုင်ဆိုင်ခွင့် ပုံစံ(၇) ကိုလည်းကိုယ်တိုင်နာမည်နဲ့လျှောက်တဲ့ အမျိုးသမီးမရှိသလောက်ပါပဲ။ ဒေသရာသီဥတု၊ ရေရရှိမှုအခြေအနေနဲ့ ကိုက်ညီတဲ့သီးနှံတွေစိုက်ပျိုးဖို့ အကြံဥာဏ်ပေးတာတွေ၊ လယ်သမားထုအပေါ် ဈေးကွက်ရဲ့ခေါင်းပုံဖြတ်မှုတွေ၊ အတိုးနှုန်းမြင့်မားစွာချေးယူနေရတာတွေနဲ့ မြေသိမ်းယာသိမ်းခံရတဲ့ဒုက္ခတွေကိုကောင်းကောင်းသိမြင်နားလည်ပြီးတောင်သူလယ်သမားဖွံ့ဖြိုးတိုးတက်ရေးအတွက် ကြိုးစားလုပ်ဆောင်နေကြတဲ့ ဘွဲ့ရပညာတတ် ကျေးလက်အမျိုးသမီးများရှိနေကြပါတယ်။ သို့ပေမဲ့ ကိုယ့်ကိုယ်ကိုဦးဆောင်သူတစ်ယောက်၊ လယ်ပိုင်ရှင်တယောက် အဖြစ်ထက် လယ်ပိုင်ခွင့်တွေကိုခင်ပွန်းဖြစ်သူတွေကိုသာအိမ်ထောင်ဦးစီးအဖြစ် သတ်မှတ်ပြီးမိမိကိုယ်ကိုမှီခိုသူအဖြစ် သတ်မှတ်ခံယူလိုက်ကြရသူတွေဟာရပ်ဓလေ့၊ရွာဓလေ့ဆိုတဲ့ လူမှုရေးဖိအားတွေကိုခံကြရသူတွေပါပဲ။ ဒါဟာအမျိုးသမီးခေါင်းဆောင်မှုနဲ့ ပတ်သက်ပြီးကျေးလက်ဒေသမှာအခွင့်အရေးမရှိနေတာကိုမီးမောင်းထိုးပြလိုက်ခြင်းတခုပါ။
လယ်သမားအများစုကအတန်းပညာမတတ်ပေမဲ့ ဘဝပညာတတ်ကြတယ်။ သူတို့ခံစားနေရတာတွေကစနစ်ကြောင့်ဖြစ်နေလို့ စနစ်ကိုလည်းပြောင်းလဲရမယ်လို့ လယ်သူမတစ်ဦးကမှတ်ချက်ပေးပါတယ်။

ကျေးလက်အမျိုးသမီးတွေဟာအရည်အချင်းမြင့်ကြပါတယ်။ စီမံခန့်ခွဲရာမှာလည်းအကွက်စေ့ ကြတယ်။ အပြောင်းအလဲကိုလိုလားနေတဲ့ ကျွန်မတို့ကျေးလက်အမျိုးသမီးတွေသာဓလေ့ထုံးစံတွေရဲ့ ဖိနှိပ် မှုကင်းဝေးပြီးရပ်ရေး၊ ရွာရေးတွေမှာခေါင်းဆောင်ခွင့်၊ ဆုံးဖြတ်ချက်ချပိုင်ခွင့်တွေ တန်းတူရည်တူရလာမယ် ဆိုရင် ကျေးလက်ဒေသဖွံ့ဖြိုးရေးဟာအရင်ကထက် ပိုမိုမြန်ဆန်မယ်လို့ ယုံကြည်ပါတယ်။ သူတို့ရဲ့ခေါင်းဆောင်မှုတွေကမိသားစု၊ ပတ်ဝန်းကျင်ကစလို့ နိုင်ငံအဆင့်အထိ မြှင့်တင်လာနိုင်အောင် လက်တွဲလုပ်ဆောင်ကြဖို့ အမြန်ဆုံးလုပ်ဆောင်ကြပါစို့လား။

__ပျိူးလက်ဟန်__

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s